Sembunyi Tempo

Pilemon (Pile) pulang lebih cepat. Pas sampe di rumah, Pile lihat tete sedang ambil alat kerja untuk bikin kebun di depan rumah.
Tete: Cucu ko pulang tempo sampe…
Pile: Ah trada tete, sa tadi su kelap jadi tipu guru, minta ijin pulang karna sakit.
Tete: Okey sudah. Skrang ko ganti pakean, makan dan torang kerja kebun.
Pile: Baik tete..
Pile ganti pakean dan makan selesai langsung menuju ke de pu tete di kebun. Berselang 30 menit kemudian, tete lihat ke arah jalan begini, Pile pu guru-guru  sedang dalam perjalanan pulang … karna takut ketahuan tete suru Pile sembunyi…
Tete: Cucu ko pigi sembunyi di belakang rumah sana..
Pile: Bah kenapa tete?
Tete: Iyo tadi kan minta ijin sakit to, ko pu guru-guru dong ada pulang tu..
Pile: Adooo ini masalah. Tete yang pigi sembunyi sana…
Tete: Kenapa cucu, masa tete yang sembunyi tu.. yang sekolah kan Pile to??
Pile: Maaf tete, tadi sebenarnya sa minta izin sama guru. Sa bilang sa pu tete meninggal jadi sa pulang….
Tete:???!@#%!!….
(cucu ko parahhh)….

Tinggalkan Balasan